jab bhagavaan stree ki rachana kar rahe the tab unhen kaafi samay lag gaya. chatha din tha aur stree kee rachana abhee adhooree thi. isalie devadoot ne poochha- bhagavaan, aap isme itana samay kyu le rahe hai? bhagavaan ne javaab diya- kya tumane iske saare gun dharm dekhe hain, jo iski rachana ke lie jaroori hain. yah har prakaar ki paristhitiyon ko sambhaal sakati hai. yah ek saath apane sabhi bachchon ko sambhaal sakati hai unhe khush rakh sakati hai. yah apane pyaar se ghuthano kee kharonch se lekar toote dil ke ghaav bhee bhar sakati hai. yah sab sirph apane do haathon se kar sakati hai. isamen sabase bada gun dharm yah hai ki beemaar hone par apana khyaal khud rakh sakatee hai aur 18 ghante kaam bhee kar sakati hai. devadoot chakit rah gaya aur aashchary se poochha ki bhagavaan kya yah sab do haathon se kar paana sambhav hai? bhagavaan ne kaha- yah meree adbhut rachana hai. devadoot ne najadeek jaakar stree ko haath lagaaya aur kaha- bhagavaan yah to bahut naajuk hai.

Bhagavaan ne kaha- haan, yah baahar se bahut hee naajuk hai, magar ise andar se bahut majaboot banaaya hai. isamen har paristhitiyon ka sambhalne ki taakat hai. yah komal hai par kamajor nahin hai. devadoot ne poochha- kya yah soch bhi sakti hai? bhagavaan ne kaha- yah soch bhi sakati hai aur majaboot hokar mukaabala bhi kar sakatee hai.




devadoot ne najadeek jaakar stree ke gaalon ko haath lagaaya aur bola- bhagavaan ye to geele hain. lagata hai isme se kuch bah raha hai. bhagavaan bole- yah isake aansoo hain. devadoot- aansoo kisalie? bhagavaan bole- yah bhee isakee taakat hai. aansoo isako phariyaad karne, pyaar jatane aur apana akelaapan door karane ka tareeka hai. devadoot- bhagavaan apaki rachana adbhut hai. aapane sab kuchh sochkar banaaya hai. aap mahaan hain.

bhagavaan bole- yah stree roopee rachana adbhut hai. yahee har purush kee taakat hai, jo use protsaahit karatee hai. ve sabhee ko khush dekhakar khush rahati hain, har paristhiti mein hasati rahati hain. use jo chaahie, vah ladakar bhi le sakatee hai. uske pyaar mein koi shart nahin hai. uska dil toot jaata hai, jab apane hee use dhokha de dete hain, magar har paristhitiyon se samajhauta karana bhi janati hai. devadoot- bhagavaan aapakee rachana sampoorn hai.

Bhagavaan bole- na, abhi isme ek truti hai. yah apana mahatv bhool jaati hai……..

Leave a Reply

Your email address will not be published. Required fields are marked *